Search Results

Alt Ref No	CYNAN
Title	Papurau Cynan
Description	Mae'r casgliad yn cynnwys papurau yn ymwneud â'r bardd, Cynan, yn bennaf, ond ceir hefyd rhai eitemau sy'n perthyn yn uniongyrchol i Dr Emyr ap Cynan, Mona Mostyn ei wraig a'i theulu hithau (a ddeuai o gyffiniau Amlwch).
Date	1855-1981
Extent	294 o eitemau
AdminHistory	Roedd Albert Evans Jones (1895-1970), Cynan, yn fardd gyda chysylltiadau cryf â'r Eisteddfod Genedlaethol. Fel cystadleuydd, enillodd y goron deirgwaith a'r gadair unwaith, ac fel Archdderwydd (ddwywaith) daeth yn adnabyddus am foderneiddio'r Eisteddfod Genedlaethol gan greu a datblygu'r prif seremonïau. Adwaenir ef hefyd fel brenhinwr a chwaraeodd ran flaenllaw yn yr arwisgiad yn 1969 ac fe adlewyrchir hyn yn y casgliad yma. Priododd Cynan ddwywaith - yn 1921 ag Ellen J. Jones o Bwllheli (cawsant fab a merch) ac yn 1963 â Menna Meirion Jones o Y Fali, Ynys Môn. Roedd ei fab, Emyr ap Cynan, yn feddyg yng Nghaergybi a briododd â Mona Mostyn. Roedd eu mab hwythau, Robin ap Cynan (1950-2015), yn gyfreithiwr blaenllaw.
Acquisition	Prynwyd y casgliad yma o bapurau yn 2016 oddi wrth ysgutorion ewyllys Robin ap Cynan - ŵyr i Cynan a mab Dr Emyr ap Cynan. Talwyd amdanynt ar y cyd gan Ysgol y Gymraeg a'r Gwasanaeth Llyfrgell ac Archifau.
AccessConditions	Open to all users

Record