| AdminHistory | Agorwyd y Capel M.C. Tabernacl cyntaf yn Dean Street, Bangor ym 1821, ond oherwydd y cynnydd mawr ym maint y gynulleidfa, rhaid oedd adeiladu capel mwy ym 1834.
Ym 1892 daeth y Parchedig T.J. Wheldon yn weinidog ar y Tabernacl, ac yno yr arhosodd hyd 1910. Roedd yn wr o ddylanwad mawr a phersonoliaeth cryf a oedd o blaid adeiladu capel newydd yn Garth Road, Bangor (er fod rhai aelodau o'r eglwys yn erbyn hynny)
Gosodwyd carreg sylfaen y trydydd Capel Tabernacl ar 14 o Hydref 1903 ac fe agorwyd y capel yn swyddogol ar yr 2 o Orffennaf 1905. Y Parch. T.J. Wheldon oedd y cyntaf i bregethu yno. Erbyn 1906, roedd gan y capel 400 o aelodau, ond erbyn 1968 roedd y nifer wedi gostwng i 150.
Cynhaliwyd y gwasanaeth olaf yng Nghapel y Tabernacl ar 29 o Fedi 1968. Ymunodd yr aelodau a oedd yn weddill, gyda chapel Twrgwyn, Bangor Uchaf. |