32-40 : Amryw gofnodion crefyddol yn profi trâs Wesleaidd hen deulu Oweniaid y Crafnant (hynafiaid ar un ochr i ysgweier presennol Broom Hall, drwy garedigrwydd yr hwn y cafwyd y papurau hyn. Hanes agoriad capel newydd y Wesleyaid yng Nghaernarfon (1826) a geir yn 32, ond nid yw testunau'r pregethau yn cyfateb o gryn dipyn i'r list yn Hanes Wesleyaeth, III, 1029. Yno ni roddir testun Edward Thomas, Tyddyn Du; ceir ef yma, sef Luc XVIII, 26. Cofnodion Wesleaidd diddorol iawn yw 33 a 34, ond nid oes ddyddiad wrthynt. Lot Hughes yn dweud sut i wneuthur burum dirwestol sydd yn 35. Yna daw amryw ddarnau o farddoniaeth a da fydd cymharu y gwawd a'r gogan ar Fedyddwyr yn 37 a 38 gydag englyn R. ap G. Ddu ar gefn 26. n.d.