Llythyrau sy'n llwyddo i godi llen i raddau ar y mân foddau y llwyddid weithiau drwyddynt i sicrhau Cylchdaith ddymunol, ar yr anhawster o foddio pawb wrth ddewis pregethwyr i bregethu yn y 'District Meetings', ar rai o anhawsterau rhedeg papur enwadol. Daw peth camddeall rhwng Gogledd a De i'r golwg, arwyddion cenfigen a gwrthrysigrwydd personol Yn y ddadl, fe welir yn bur amlwg graffter a syberwyd y Dr Hugh Jones; serch hynny, llwyddodd yr ochr arall i fyned heibio i'w darian yntau fwy nag unwaith fel y prawf y tri draft (31-33) a gwyn i'w hanfon i law 'President' y 'Conference'. A anfonwyd y gwyn, nis gwn. Gwelir amryw lythyrau yn llaw gweinidog Wesleaidd o'r enw T.G. Pugh (15-21), o Gaerfyrddin, yn y flwyddyn 1879. Ond nid oes sôn amdano yn index yr 'Hanes' na dim cyfeiriad ato o dan hanes cylchdaith Caerfyrddin. 1878-1880